Болтиқбўйи акваториясида 9 июндан НАТОга аъзо 18 мамлакат ва блок шериклари бўлган давлатларнинг кемалари иштирокида анъанавий Baltops ҳарбий-денгиз машгулотлари бошланди. Бу ҳақда «Лига Новости» хабар берди.
Альянс маълумотларига кўра, 21 июнга қадар давом этувчи машғулотларга 50 та сув усти ва сувости кемалари, 40 та самолёт ва вертолёт ҳамда 8,6 минг нафар ҳарбий жалб этилган.
«Болтиқ денгизи НАТО учун муҳим стратегик аҳамиятга эга. Baltops 47 йил давомида ўтказиб келинмоқда ва машғулотлар ҳеч кимга қарши қаратилмаган. Бироқ Россия Қримни ноқонуний тарзда ўз таркибига қўшиб олгач, минтақадаги хавфсизлик даражаси ёмонлашди», — деб таъкидлаган НАТО матбуот котиби Оана Лунгеску.
Ҳарбий машқлар Mount Whitney Америка штаб кемасидан яқинда ташкил этилган АҚШ ҳарбий-денгиз кучларининг иккинчи оператив флоти қўмондонлигида ўтказилмоқда.
Изоҳ (0)