Ички ишлар вазири ўринбосари полковник Акрамхон Бобохонов Россида кундузи яқинни ёритувчи чироқларини ёқиб ҳаракатланиш талабига риоя қилмаганлик учун 65 минг 275 сўм жарима белгиланганини таъкидлади. У бу ҳақда Ахборот ва оммавий коммуникациялар агентлигида ИИВ томонидан ўтказилган брифингда айтиб ўтди, дея хабар бермоқда «Дарё» мухбири Мусулмонбек Иброҳимов.
Брифингда Ички ишлар вазири ўринбосари полковник Акрамхон Бобохонов хорижий мамлакатларда кундузи яқинни ёритувчи чироқларини ёқиб ҳаракатланиш талабига риоя қилмагани учун белгиланган жарималар миқдори ҳақида маълумот берди. Унинг айтишича, маълумотлар хорижий давлатлар пул бирлигининг ҳозирги вақтда Марказий банк томонидан белгиланган сўмга нисбатан қийматидан келиб чиқиб ҳисобланган.
«Швецияда 1 млн 51 минг 836 сўм, Чехияда 732 минг 220 сўм, Эстонияда 1 млн 887 минг 510 сўм, Руминияда 574 минг 829 сўм, Хорватияда 381 минг 231 сўм, Россияда 65 минг 275 сўм, Польшада 219 минг 43 сўм, Малдовада 212 минг 904 сўм миқдорида жарима солишга сабаб бўлади», — дейди вазир ўринбосари.
Акрамхон Бобохонов хорижий мамлакатларда белгиланган жарималарни келтиришга, ижтимоий тармоқларда чет мамалкатларда жарималар энг кам ойлик иш ҳаққидан келиб чиқиши ҳақидаги фикрларга жавобан берилаётганини билдирди.
«Дунё мамлакаталарида белгиланган жарималардан намуналарни ижтимоий тармоқларда мутахассислар томонидан ‘чет мамлактларда белгиланган жарима ўша юртнинг энг кам ойлик иш ҳаққидан бунча марта кам’ деган фикрларга жавобан келтирмоқдаман», — деди у.
Анжуманда маълум қилинишича, кундузи яқинни ёритувчи чироқларни ёқиб юриш амалиёти 47 йил аввал Финляндияда жорий этилган. Ушбу талаб айни вақтда Европанинг 65 та мамлакатидан 25 тасида барча автомототранспрот воситалари учун мажбурий этиб белгиланган бўлса, 15 тасида эса фақат мототранспорт воситалари учун мажбурийдир. Қитъанинг учта давлатида мавсумий ва тўрттасида тавсиявий характерга эга ҳисобланади.
Изоҳ (0)