Покистонлик генерал Содиқ Али бошчилигидаги делегация 30 май куни Самарқандга ташриф буюрди. Бу ҳақда Zarnews хабар бермоқда.
Делегация аъзолари дастлаб Паяриқ туманидаги Имом Бухорий ёдгорлик мажмуасини зиёрат қилди.
Мажмуа ёнида бунёд этилган Имом Бухорий халқаро илмий-тадқиқот маркази билан танишув чоғида қисқа фурсатда бунёд этилган ушбу марказнинг яратилиш тарихи, унинг фаолияти ҳақида меҳмонларга батафсил маълумот берилди. Бу ердаги музей ва ундаги экспонатлар покистонликларда катта қизиқиш уйғотди.
Генерал Содиқ Али буюк муҳаддис қолдирган бой илмий-маънавий меросини ўрганиш, бу зот тўплаган саҳиҳ ҳадислар ислом динининг асл моҳиятини одамларга етказишда муҳим аҳамият касб этишини таъкидлади.
Делегация аъзолари Самарқанд шаҳридаги тарихий обидалар ва муқаддас қадамжоларни ҳам зиёрат қилди.
Изоҳ (0)