Европарламент 23—26 май кунлари Европа Иттифоқининг 28 мамлакати қонунчилик органида ўтказилган сайловларнинг дастлабки тахминий натижаларини эълон қилди, деб хабар беради Meduza.
Башоратга кўра, энг кўп — 173 та ўрин Европа халқ партиясига насиб этади. «Социалистлар ва демократларнинг прогрессив иттифоқи» 147 та ўрин билан иккинчи поғонага кўтарилади. Учинчи ўрин эса — Франция президенти Эммануэль Макроннинг «Европа учун либераллар ва демократлар иттифоқи» (102 ўрин). «Яшиллар» — 71 та ўрин.
Шундай қилиб, Европа тарафдори бўлган партиялар Европаламентдаги 751 та ўриндан 493 тасига эгалик қилади. Франция ва Италиянинг популистик ва ўта ўнглар партияси 57 та ўринни қўлга киритади, бу эса 2014 йилги сайловлардан 20 тага кўп демакдир.
Францияда Марин Ле Пеннинг «Миллий бирлик» ўнг партияси Эммануэль Макроннинг «Олға, Республика!» партиясидан битта кўпроқ ўринга эга бўлади: 24 га қарши 23.
Изоҳ (0)