Киев мери Виталий Кличко ўзининг Facebook’даги саҳифасига шаҳар марказида пиёдалар учун мўлжалланган шишали кўприкнинг дарз кетгани тасвирланган видеони жойлаштирди. Ушбу кўприк очилганидан бир кун ўтиб дарз кета бошлаган, деб хабар беради «Газета.ru».
Видеодан кўриш мумкинки, кўприкдан ўтиш вақтинча тўхтатилган, унинг шишали қисмида эса ёриқлар пайдо бўлган.
Маълумотларга кўра, мазкур кўприкни бунёд этиш учун 630 миллион рублга (10 миллион доллар) яқин маблағ сарфланган. Кличко кўприкнинг шикастланган қисмини мутахассислар билан биргаликдан кўздан кечириб чиққан ва яқин икки кун ичида шишалар алмаштирилишини билдирган.
Унинг таъкидлашича, кўприкка «Киевни яхши кўрмайдиганлар» сабаб шикаст етган.
Изоҳ (0)