Россиянинг Челябинск вилоятида 13 ёшли ўсмир сув билан тўлдирилган кўмир конига тушиб кетган икки нафар 10 ёшли болани қутқаргач, чўкиб кетиб ҳалок бўлди. Бу ҳақда Россия тергов қўмитаси ҳудудий бошқармаси сайтида айтилади.
«Ҳозирда ҳодиса сабаблари ўрганилмоқда. Текширув натижаларига кўра процессуал қарор қабул қилинади», — дейилади хабарда.
Бахтсиз ҳодиса 24 май куни Копейск шаҳри ташқарисидаги Божово қишлоғи яқинида юз берди. Кўмир кони соҳилида дам олаётган ўсмир икки боланинг сувга тушиб кетганини кўрди ва уларга ёрдамга ошиқди.
Хабарда қутқарилган болаларнинг аҳволи ҳақида маълумот келтирилмаган.
Изоҳ (0)