Қўқон шаҳар халқ таълими бўлими рўзадор ўқувчилар иссиқда югуртирилгани ҳақидаги хабарларни рад этди.
Шаҳар халқ таълими бўлими Қўқондаги 8-мактаб директори 6 май куни дарсдан сўнг рўза тутган бошланғич синф ўқувчиларига салбий муносабатда бўлгани ҳақида ижтимоий тармоқларда тарқалган хабарларни ўрганиб чиққан.
«Хизмат суриштируви давомида шулар маълум бўлди-ки, мазкур мактабда ўқувчиларнинг рўза тутиши учун ҳеч қандай тазйиқ ўтказилмаган. Ўқутувчилар томонидан аввало ўқувчиларни билим эгаллаши муҳим эканлиги, фанларни ўзлаштириш учун соғлом бўлишлари шартлиги, шунинг учун ҳам вақтида овқатланишга эътибор қаратилиши хусусида тушунтиришлар берилганлиги аниқланди», — дейилади раддияда.
Аввалроқ прокуратура Қўқонда рўзадор ўқувчилар иссиқда югуртирилгани ҳолати юзасидан ўрганиш олиб бораётгани ҳақида хабар берилган эди.
Изоҳ (0)