Рэпер Дрейк Billboard Music мусиқий мукофотининг 12 номинацияси бўйича ғолиб бўлди, деб хабар берди Meduza.
Лос-Анжелесда ўтказилган тақдимот маросимида Дрейк, хусусан, бош соврин — «Энг яхши мусиқачи» мукофотини олди.
Шундай қилиб, Дрейкда умумий ҳисобда турли йилларда олинган 27 та Billboard Music Awards мукофоти бўлиб, бу ушбу мукофотлар қўлга киритиш бўйича мутлақ рекорд ҳисобланади.
Маълумот учун, Billboard Music Awards мусиқий мукофотини топшириш маросими шу номли нашр томонидан 1990 йилдан бери (орада танаффуслар билан) ҳар йили ўтказиб келинади.
Изоҳ (0)