Хонанда Димаш Кудайберген Тошкентда Шавкат Мирзиёев ва Қосим-Жўмарт Тўқаев билан учрашди. Бу ҳақда Қозоғистон президенти Instagram’даги саҳифасида маълум қилди.
«Димаш Кудайберген — Қозоғистоннинг довруғини дунёда достон қилаётган юлдуз. Турли давлатлардаги мухлислари унинг концертларида бўлиш ва ноёб овозини эшитишни истайди. Кеча Димаш Тошкентда SOS d‘un terrien en detresse номли француз қўшиғини ижро этди ва ўзбек томошабинлари қалбини забт этди», — дея ёзув қолдирган Тўқаев.
Эслатиб ўтамиз, қозоғистонлик қўшиқчи Димаш Кудайберген 14 апрель куни Тошкентга келган эди. Уни кўп сонли мухлислари қарши олган.
Изоҳ (0)