Ўзбекистон хотин-қизлар қўмитаси 980 нафар ногирон аёлга амалий ёрдам берди (фото)
Ўзбекистонда ногиронлиги бўлган хотин-қизларнинг ижтимоий мослашувини таъминлаш, пировардида уларнинг ҳаёт кечириш сифатини яхшилаш мақсадида 2019 йил 1-чорагида 980 нафар муҳтож хотин-қизларга ногиронлик аравачалари, тиббий протез-ортопедик ва эшитиш мосламалари, қўлтиқ таёқ, хассалар, ходунок мосламалари ҳамда дори-дармон воситалари билан таъминланишда бепул равишда амалий ёрдам кўрсатилди. Бу ҳақда Хотин-қизлар қўмитаси матбуот хизмати хабар берди.
Шунингдек, оғир турмуш шароитида яшаётган хотин-қизларнинг саломатлик ҳолатларини яхшилаш мақсадида стационарларда даволанишга, сиҳатгоҳларга ва шаҳар ҳудудидаги клиникаларда бепул даволаниш курсларини олиш учун ордерлар топширилмоқда. Ушбу тадбирлар учун Хотин-қизларни ва оилани қўллаб-қувватлаш жамоат фонди томонидан 1 миллиарддан зиёд маблағ йўналтирилди.
