«Реал» ҳали ҳам «Челси» ярим ҳимоячиси Эден Азарни ўз сафига қўшиб олиш ниятида. Бу ҳақда The Telegraph хабар берди.
Ушбу ҳафтада музокараларнинг навбатдаги босқичи бўлиб ўтади, бунда мадридликлар мавсум охирига қадар 28 ёшли бельгиялик билан трансфер шартномаси юзасидан келишувга эришмоқчи.
«Реал» Азар учун 85 миллион евро тўлашга тайёр, «Челси» эса 100 миллион евродан ортиқ маблағ талаб қилмоқда.
Аввалроқ хавбек «Қироллик клуби»га ўтиш учун лондонликлар билан шартномасини узайтиришдан бош тортганди. Унинг «аристократлар» билан тузган шартномаси 2020 йилнинг ёзига қадар амал қилади.
Эслатиб ўтамиз, Эден Азар жорий мавсум Англия премьер лигаси доирасида 31 та ўйинда майдонга тушиб, рақиб дарвозасига 14 та гол урди ва 12 та голга ассистентлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)