Халқаро бокс ассоциацияси (AIBA) президенти, ўзбекистонлик Ғофур Раҳимов ўз ваколатларидан воз кечишини маълум қилди. Бу ҳақда ташкилот расмий сайтида хабар берилди.
Ҳафта охирида AIBA Ижроқўмининг телеконференция орқали навбатдан ташқари йиғилиши ўтказилади ва мажлисда ташкилотга вақтинчалик президентни тасдиқлаш жараёни бўлиб ўтади.
«25 йилдан ортиқ умримни буюк спорт — боксга ва олимпия ҳаракатига бағишладим. Бу вақтда спортимизни шон-шуҳратини ва спортчиларимиз манфаатини биринчи ўринга қўйдим. Спортимиз қора кунларини ортда қолдириб, соғлом ва янада кучли бўлиши учун кун-у тун чин юракдан меҳнат қилдим. Бунинг натижаси ўтган йили ўз сўзини айтгани ҳам айни ҳақиқат. Мен амалга оширилган ишлар ва бу борада эришилган улкан ютуқлар билан фахрланаман»,—дейди Раҳимов баёнотида.Эслатиб ўтамиз, Ғофур Раҳимов Халқаро олимпия қўмитасининг ўз номзодини қўймаслик борасидаги сўровларига қарамасдан, 2018 йил ноябрида AIBA президентлигига ўз номзодини қўйган ва натижада ташкилотнинг тўлақонли раҳбарига айланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)