Telegram’да шахсий чатда сўзлашувчининг хабарини таг-туги билан ўчириш имкони пайдо бўлди

Telegram мессенжери максимал даражада махфий бўлди, деб хабар берди «Лайфхакер».

Telegram’нинг янги версиясида фойдаланувчи нафақат ўзи ёзган хабарларни, балки сўзлашувчи томонидан ёзилган хабарларни ҳам ўчириш имконияти пайдо бўлди. Бу бир неча йил аввал ёзилган хабарларга ҳам амал қилади.

Ўчирмоқчи бўлган хабарни топасиз ва ўчираётганда тегишли опсияни танлайсиз.

Ёзув шу ондаёқ сизнинг ва сўзлашувнинг бошқа иштирокчиси қурилмасидан йўқолади. Айнан шу нарсани бутун чат билан ҳам қўллаш мумкин.

Хабарларни икки томондан ўчириб ташлаш функцияси мессенжерда икки йил олдин пайдо бўлган эди. Бироқ у фақат икки сутка ичида ёзилган хабарларга нисбатангина қўлланилар эди.

Эндиликда Telegram’да қандайдир келишувларни амалга ошириш унчалик хавфсиз эмас — энди чатларни скриншот қилиш керак. Бу ҳамма ўзгаришлар эмас.

Maxфийлик созланмаларида агар сизнинг хабарингиз бошқа чатга йўналтирилса аккаунтингизга ҳавола берилиши ёки берилмаслигини ҳам танлашингиз мумкин. Шу тарзда у ёки бу хабарни сиз ёзганингизни ҳеч ким исботлай олмайди.