2020 йилда Жанубий Кореянинг пойтахти Сеул шаҳрида Илм-фан ва роботехника музейининг (Robot Science Museum, RSM) ўзига хос биноси пайдо бўлади, деб хабар беради Spot.
Объектни қуриш ҳуқуқи Туркиянинг Melike Altinisik Architects (МАА) архитектура компанияси томонидан қўлга киритилди. Бошқарув вакилларининг сўзларига кўра, янги музейнинг асосий хусусиятларидан бири барпо этиш ва ишга туширишнинг барча босқичлари — ишлаб чиқариш дизайни яратилишидан қурилиш ва хизмат кўрсатишгача роботлар, шунингдек, 3D принтер, дронлар каби бошқа юқори технологияли воситалардан фойдаланилади.
Музей пойтахт ҳукумати томонидан роботларга бўлган қизиқишни оммалаштириш мақсадида ишлаб чиқилган.
Музей майдони 2,5 минг квадрат метрни, унинг умумий майдони эса 6,5 минг квадрат метрни ташкил этади. Музейда нафақат роботлар кўргазмаси, балки сунъий интеллектлар, виртуал ва қўшимча реаллик, голограмма технологиялари бўйича турли тренинглар ва кўргазмалар ўтказилади. Лекин биринчи ва эҳтимол, энг муҳим экспонат музейнинг ўзи бўлади.
Лойиҳа муаллифлари қайд этишларича, роботлар ва меҳмонлар коинотини яратиш истаги сферик ва «суюқ» шакллардан фойдаланишда ифодаланади. Архитекторлар ғоясига кўра, бинонинг барпо этилишида бўлакланган ва тўртбурчак шакллардан фойдаланилмайди.
Таклиф этилган лойиҳага кўра, музей атрофдаги инфраструктура билан чамбарчас боғланган бўлади. Белгиланган участкаларнинг мавжуд эмаслиги, шунингдек, пиёда ва автотранспортни ташкиллаштириш орқали шаҳар ташқариси ва музей ичидаги узлуксизлик ҳисси пайдо этилади.
Илм-фан ва робототехника музейидаги биринчи кўргазма 2020 йилга, муассасанинг тўлиқ очилиши эса 2022 йилга мўлжалланган.
Изоҳ (0)