Microsoft компанияси Windows 7 операцион тизимини қўллаб-қувватлашни якунланишининг аниқ санасини эълон қилди. Ушбу баёнотга кўра, эскирган операцион тизимни қўллаб-қувватлаш 2020 йил 14 январда бутунлай тўхтатилади. Бу ҳақда «Корреспондент.net» хабар қилади.
Компания ушбу санага қадар Windows 7 операцион тизимига эга бўлган барча (дунё бўйича шахсий компьютерларнинг 40 фоизи) фойдаланувчиларга янги Windows 10 операцион тизимига ўтишни маслаҳат беради.
Microsoft’нинг эски операцион тизимни қўллаб-қувватлашни тўхтатишга қаратилган саъй-ҳаракатлари фойдаланувчиларни турли ҳужумлардан ҳимояланишнинг яхшиланган энг сўнгги дастурий таъминотни ишлатишга ундаш учун мўлжалланган.
Маълумки, Windows 7 операцион тизими 2009 йил 22 октябрь куни чиқарилган. Шундай қилиб, уни қўллаб-қувватлаш даври 10 йилдан кўп вақтни ташкил этади.
Изоҳ (0)