Олмазор туманидаги Қорасарой кўчасидан Тараққиёт кўчаси бўйлаб то Келес йўли кўчасигача бўлган «Дамаши» каналининг қирғоқбўйи ҳудудида «Сой бўйи» сайлгоҳини ташкил этиш лойиҳаси амалга оширилмоқда. Бу ҳақда Тошкент шаҳар ҳокимлиги матбуот хизмати маълум қилди.
Лойиҳага мувофиқ, сайлгоҳ ҳудудида аҳолининг дам олиши ва сайл қилиши учун мўлжалланган кўнгилочар хиёбонлар ташкил этилади, умумий овқатланиш шаҳобчалари, маиший хизмат кўрсатиш муассасалари қурилади.
Нуронийлар учун алоҳида маскан, кутубхона, дунёга машҳур иншоотларнинг кичик макетлари ҳамда ўзига хос меъморий ечимга эга бошқа бунёдкорлик намуналари фойдаланишга топширилиши кўзда тутилган.
Изоҳ (0)