Давлат хавфсизлиги хизматининг чегара қўшинлари вакиллари умумий миқдори 90 миллион сўмга тенг ондатра терисининг йирик партиясини давлат чегарасидан ноқонуний олиб ўтилишига уринишга чек қўйди. Бу ҳақда ЎзА хабар берди.
Жорий йил 10 март куни «Зангиота-автомобиль йўл» назорат-ўтиш пунктида икки нафар Ўзбекистон фуқароси қўлга олинди. Уларнинг қўлларида иккита чемодан юк бўлган.
Қўлга олинганларнинг юклари текширилганда, қонунбузарлар давлат чегарасидан ноқонуний равишда олиб ўтмоқчи бўлган 1505 та прессланган ондатра териси борлиги аниқланган.
Қўлга олинган товар ва шахсларга нисбатан қонунчилик доирасида чора кўрилди.
Изоҳ (0)