Ўзбекистон Республикаси Ички ишлар вазирлигининг марказий аппаратида ва ҳудудларда раҳбарлик лавозимларига тайинловлар амалга оширилди. Бу ҳақда вазирлик матбуот хизмати хабар бермоқда.
Подполковник Умаров Камолиддин Бахриддинович Ички ишлар вазирлиги Жиззах академик лицейи директори лавозимига, майор Абдуллаев Шухрат Расулжанович Қорақалпоғистон Республикаси ИИВ Патруль-пост хизмати ва жамоат тартибини сақлаш бошқармаси бошлиғи лавозимига тайинланди.
Полковник Аликариев Муродилла Сайдуллаевич Тошкент шаҳар ИИББ Патруль-пост хизмати ва жамоат тартибини сақлаш бошқармаси бошлиғи, майор Аманов Исмоил Исоқулович Жиззах вилояти ИИБ Ташкилий бошқарма бошлиғи бўлди.
Подполковник Хўжахонов Авазбек Эргашевич Наманган вилояти ИИБ Наманган шаҳар бўйича ички ишлар органлари фаолиятини мувофиқлаштириш бошқармаси бошлиғи лавозимини, полковник Дадажанов Мухаммаджон Ибрагимович Наманган вилояти ИИБ Мингбулоқ тумани ички ишлар бўлими бошлиғи лавозими, майор Абдувалиев Умаржон Хасанбоевич Наманган вилояти ИИБ Норин тумани ички ишлар бўлими бошлиғи лавозимини эгаллади.
Майор Мухаммадиев Отабек Рустамович Самарқанд вилояти ИИБ Каттақўрғон шаҳар ички ишлар бўлими бошлиғи лавозимига, майор Ибрагимов Баходир Ботирович Самарқанд вилояти ИИБ Оқдарё тумани ички ишлар бўлими бошлиғи лавозимига тайинланди.
Изоҳ (0)