14 март, пайшанба куни футбол бўйича Европа Лигаси 1/8 финалининг навбатдаги 5 та жавоб ўйини ҳам ўз ниҳоясига етди.
Англия премьер лигасининг 30-турида «Манчестер Юнайтед»ни мағлуб этган (2:0) «Арсенал» клуби «Эмирейтс» стадионида Франциянинг «Ренн» жамоасини қабул қилди.
Учрашувнинг 5 ва 72-дақиқаларида Пьер-Эмерик Обамеянг дублга эришган бўлса, 15-дақиқада Эйнсли Мейтланд-Нилс ҳам ўз ҳисобига битта гол ёздириб ўйди (3:0). Ушбу голга Обамеянг ассистентлик қилди.
Шу тариқа «тўпчилар» ўз майдонида кечган баҳсда «Ренн» клубини мағлубиятга учратди ва мусобақанинг 1/4 финали йўлланмасига эга чиқди. Эслатиб ўтамиз, франсияда бўлиб ўтган дастлабки беллашувда Унаи Эмери шогирдлари 1:3 ҳисобида ютқазганди.
Лучано Спалетти бошқарувидаги Миланнинг «Интер» клуби «Жузеппе Меацца»да Германиянинг «Айнтрахт» жамоаси билан баҳсга киришди.
Ўйиндаги ягона гол 6-дақиқада киритилди. Унга меҳмон жамоа аъзоси Лука Йович муаллифлик қилди (1:0). Шу тариқа Милан клуби ўз уйида «Айнтрахт Франкфурт»га имкониятни бой берди ва мусобақадаги юришини тўхтатди. Биринчи учрашувда ҳисоб очилмаганди.
Европа Лигаси
1/8 финал баҳслари
14 март, пайшанба
«Арсенал»—«Ренн» 3:0 (1:3)
Голлар: 1:0 — 5 Обамеянг, 2:0 — Мейтланд-Нилс, 3:0 — 72 Обамеянг«Интер»—«Айнтрахт Ф» 0:1 (0:0)
Гол: 0:1 — 6 Йович«Бенфика»—«Динамо Загреб» 3:0 (0:1)
Голлар: 1:0 — 71 Жонас, 2:0 — 94 Феррейра, 3:0 — 105 Грималдо«Славия Прага»—«Севилья» 4:3 (2:2)
Голлар: 1:0 — 14 Нгажуи, 1:1 — 44 Бен Еддер, 2:1 — 47 Соукек, 2:2 — 54 Ҳаддодий, 2:3 — 98 Васкес, 3:3 — 102 Бурен, 4:3 — 119 Траоре«Вильярреал»—«Зенит» 2:1 (3:1)
Голлар: 1:0 — 29 Морено, 2:0 — 47 Бакка, 2:1 — 90 ИвановичЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)