МТРКнинг Sport-TV телеканали 2019 йилги футбол бўйича Америка Кубоги мусобақасининг Ўзбекистон ҳудудида намойиш этиш ҳуқуқини қўлга киритди. Бу ҳақда телеканал директори Зоҳид Каримов Twitter’даги саҳифасида хабар берди.
Унинг таъкидлашича, мухлисларга нафақат футбол учрашувларининг жонли трансляциялари, балки учрашувларнинг қизиқарли ҳолатлари акс этган «кундалик» шаклидаги кўрсатувлар ҳам ҳавола этилади.
Маълумот учун, Америка кубоги—2019 мусобақасида Осиё қитъасидан Япония ҳамда Қатар терма жамоалари ҳам иштирок этади. Мусобақа 2019 йилнинг 14 июнь – 7 июль кунлари Бразилияда бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)