13 март, чоршанба куни Европа Чемпионлар Лигаси 1/8 финали жавоб ўйинида «Бавария» ўз майдонида «Ливерпуль»ни қабул қилди.
Учрашувда меҳмон жамоа — «Ливерпуль» 3:1 ҳисобида ғалабага эришди. Юрген Клопп шогирдларидан Садио Мане (2 та), Виржил ван Дейк ўз номини таблога ёздириб қўйишнинг уддасидан чиққан бўлса, «Бавария»нинг жавоб голи Жоэл Матип ҳисобига ёзилди. Матип ўз дарвозасини ишғол қилиб, автогол соҳиби бўлди.
Шу тариқа икки ўйин натижасига кўра, 3:1 ҳисобида ғалаба қозонган «Ливерпуль» мусобақадаги иштирокини давом эттирадиган бўлди.
ЕЧЛ
1/8 финал жавоб ўйини
«Бавария»—«Ливерпуль» 1:3
Голлар: 0:1 – 26 Мане, 1:1 – 39, автогол Матип, 1:2 – 69 ван Дейк, 1:3 – 84 Мане.Бавария – Нойер, Зюле, Алаба, Рафинья, Ҳуммелс, Мартинес (Горецка, 72), Aлькантара, Хамес (Саншеш, 79), Гнабри, Рибери (Коман, 61), Левандовски.
Ливерпуль – Алиссон, Матип, Робертсон, Александер-Арнольд, ван Дейк, Милнер (Лаллана, 87), Ҳендерсон (Фабино, 13), Вейналдум, Мане, Салоҳ, Фирмино (Ориги, 83).
Огоҳлантиришлар: Фабиньо (43), Матип (63), Aлькантара (65), Саншеш (83), Робертсон (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)