«Реал»га янги бош мураббий этиб тайинлаган Зинедин Зидан клубга қайтгани борасидаги фикрлари билан бўлишди.
Бу ҳамма учун ўзига хос кун эканлигини биламан. Энг муҳими, бу ерга қайтиб келганимдан хурсандман. «Реал Мадрид»ни муносиб жойга қайтариш учун эртадан иш бошлайман.Бу катта масъулият. Мен жамоанинг фақатгина битта аъзосиман.
Мен биз эришган ютуқларни унутмадим, лекин ўтган мавсумдаги муваффақиятсизликларни ҳам унутганимча йўқ. Биз Ла Лигада ғалаба қозона олмадик, биз Испания Кубогини қўлдан бой бердик. Ҳа, биз Европа Чемпионлар Лигасида ютдик, бу яхши. Аммо мен қандай клубда эканлигимни яхши биламан.
Бизда 11 та учрашув қолди. Асосий вазифамиз мавсумни яхши якунлаш.
Мен «Реал»дан кетиш керак бўлган вақтда кетдим. Ҳа, кетишни унчалик ҳам истамадим, лекин икки ярим йил ичида деярли ҳамма нарсага эришдик, шу боисдан ҳам клубга бироз танаффус керак эди.
Менга турли таклифлар тушди, аммо қандайдир клубга боришни эмас, балки шу ерга келишни истадим.
Сўнгги тўққиз ойни Мадридда ўтказдим ва куч тўпладим. Энди мен бу буюк жамоа билан янги чақирувларга тайёрман.
Зинедин Зидан, «Реал Мадрид» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)