2019 йил 10 март куни Навоий вилоятининг Хатирчи туманида яшовчи бир нечта шахслар ўзаро жиноий тил бириктириб, ўзларининг бошқарувидаги Nexia русумли автомашинасида Қорача маҳалласида яшовчи Ш.Ш.нинг уйида сақланаётган таркибида қимматбаҳо зарралар бўлган қумларни қўлга киритиш мақсадида унинг уйига бораётганларида, буни билиб қолган Ш.Ш. таниши И.Р. билан бирга, Бойқаро қишлоғи ҳудудида уларни тўхтатмоқчи бўлиб, йўлини тўсган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар берди.
Оқибатда босқинчилар Ш.Ш. ва И.Р.ни темир бўлаги ҳамда таёқ билан жароҳатлаб, воқеа жойидан яширинганлар. Натижада Ш.Ш. ва И.Р.ларга касалхонада тиббий ёрдам кўрсатилиб, ҳолат юзасидан жиноят иши қўзғатилган. Кўрилган чоралар натижасида жиноий гуруҳдагилар қўлга олиниб, улар орасида бўлган шахси аниқланган бир нафарини ушлаш чоралари кўрилган. Тергов ҳаракатлари олиб борилмоқда.
Изоҳ (0)