Япониянинг Аичи санъат университети профессори, таниқли япон санъатшуноси Шибазаки Коджи «Ўзбек қоғозини тадқиқ қилиш» лойиҳасида иштирок этмоқда, деб ёзади ЎзА.
Лойиҳанинг Ўзбекистондаги ҳамкори сифатида Камолиддин Беҳзод номидаги Миллий рассомлик ва дизайн институти танланган.
Тадқиқот мақсади Ўзбекистонда сақланаётган қадимий қоғозлар таркибини Япониянинг замонавий технологиялари ёрдамида таҳлил қилиш ва таркибини, унинг хитой қадимий қоғозларидан фарқли хусусиятларини ва тайёрлаш технологияларини ўрганишдан иборат. Шу асосда дунёга машҳур қадимий қоғоз турини ишлаб чиқариш мумкин бўлади.
Камолиддин Беҳзод номидаги Миллий рассомлик ва дизайн институти масъуллари маълумотига кўра, қўшма лойиҳа 2017 йилда бошланган. Ўтган вақт мобайнида қатор илмий тадқиқотлар амалга оширилди. Унда Ўзбекистон, Корея ва Хитой олимлари иштирок этди.
Ушбу қўшма лойиҳа доирасида Тошкентда қадимий ўзбек ва япон қоғозлари, мамлакат олимлари ҳамда профессор К.Шибазаки ижодий ишларига доир кўргазма ташкил этилди.
Изоҳ (0)