11 мартнинг эътиборга молик янгиликлари — «Дарё» дайжестида.
Андижон шаҳридаги «Янги ҳаёт» маҳалласида истиқомат қилувчи Шукуржон ва Насибахон Қодироҳуновлар хонадонида 10-фарзанд дунёга келди.
Андижон вилояти перинатал маркази шифокорлари бугун, 11 март куни эрта тонгда туғруқни муваффақиятли амалга оширди. Ҳозирда онанинг ҳам, қиз фарзанднинг ҳам аҳволи яхши.
***
Биринчи Airbus A320nео лайнери Ислом Каримов номидаги Тошкент халқаро аэропортига етиб келди.
Иқтисодий самарадорлиги юқори авиалайнернинг парвоз масофаси 4,5 мингдан 5 минг километргача узайтирилгани Uzbekistan Airways компаниясига бутун Марказий Европа бўйлаб қатновларни амалга ошириш имконини беради.
***
Наманган вилоят ИИБ: «Навбаҳор» мухлислари бўлган машина иштирокидаги автоаварияда 4 киши ҳалок бўлди, 5 киши жароҳатланди.
2019 йил 10 март куни соат 22.30 атрофида «Фарғона ҳалқа йўли» автомобиль йўлининг 69-километрида, Тўрақўрғон тумани ҳудудида Nexia автомобилини бошқарган ҳайдовчи қарама-қарши йўналишга ўтиб кетиб, қаршисидан ҳаракатланиб келаётган Damas билан тўқнашди.
***
Humo Arena муз саройининг очилиш маросимида Филипп Киркоров, Николай Басков ва Дима Билан иштирок этади.
Бадиий қисмнинг ўзида 2 мингдан ошиқ иштирокчи қатнашади. Бундан ташқари, аренага 6 мингдан зиёд мухлислар келиши кутилмоқда. Очилиш маросимида бош ғоя санъат ва спортни биргаликда уйғунлаштириб беришдир.
***
Эфиопияда бугун авиаҳалокатга учраган 35 мамлакат фуқаролари учун мотам эълон қилинди.
«Эфиопия ҳаво йўллари»нинг ҳалокатга учраган Boeing-737 лайнери 157 кишининг, шу жумладан 19 нафар Бирлашган миллатлар ташкилоти ходимлари ўлимига сабаб бўлди.
Изоҳ (0)