Хитойнинг Юньнань провинциясида олимлар қовоғарининг аввал маълум бўлмаган турини топди. Бу ҳақда «Корреспондент.net» хабар берди.
Улкан қовоғарининг қанотлари қулочи 9,35 сантиметрни ташкил қилади. Танасининг узунлиги эса 6 сантиметр. Бу шу пайтгача учраган қовоғариларнинг энг каттаси ҳисобланади.
Мутахассисларнинг фикрича, бундай қовоғарининг асалдони ҳам катта бўлиши керак. Аммо асалдон ҳали аниқланмаган. Олимлар ҳашаротни диққат билан ўрганмоқда ва у янги кенжа тур бўлиши мумкин деган фикрда.
Изоҳ (0)