Нью-Йоркнинг собиқ мери ва Bloomberg ахборот агентлиги асосчиси Майкл Блумберг 2020 йилда АҚШ президентлигига номзод бўлишни режалаштирмаганини маълум қилди. Бу ҳақда «Коммерсантъ» хабар берди.
Bloomberg сайтида эълон қилган баёнотида кўпчилик уни президентлик кампаниясида иштирок этишга чақирганини қайд этган. Шу билан бирга, унинг айтишича, айримлар сўровномага мос келиш учун ўз нуқтайи назарини ўзгартиришга чақирган, аммо Блумберг нимага ишонишни ҳар доим ўзи ҳал қилганини таъкидлаган.
«Сайловолди кампанияда ғолиб бўлиш учун нима қилиш кераклигини биламан. Биз мамлакат сифатида янада яхшироқ натижаларга эриша оламизни биламан ва овоз беришда Дональд Трампдан ғолиб келишимга ишонаман», — деган Блумберг.
Шунингдек, унинг қўшимча қилишича, номзодлар сонини ҳисобга олган ҳолда Демократлар партиясидан номзод бўлиш қанчалик қийинлигини ҳам тушунади.
Демократлар партияси Дональд Трампни яна тўрт йил бошқаришга йўл қўймасдан уни мағлуб этадиган номзодни кўрсатиши кераклигини таъкидлаган.
Майкл Блумбергнинг сўзларига кўра, унинг қарорига келгуси икки йил ичида мамлакатдаги миллий муаммолар янада кескинлашиб кетиши мумкинлиги таъсир қилган. У қўл қовуштириб ўтиролмаслигини, ривожланишга ёрдам берувчи ягона умидни Вашингтондан ташқарида амалга ошириш мумкинлигини, президентлик кампаниясида иштирок этиш эса бу борадаги ишларни амалга оширишига ҳалал беришини айтган.
У мисол тариқасида АҚШнинг нефть ва газ иқтисодиётидан 100 фоиз экологик тоза энергия ишлаб чиқувчи иқтисодиётга ўтишига ёрдам берувчи Beyond Carbon лойиҳаси билан шуғулланишни режалаштираётганини маълум қилган.
«Президент бўлиш катта ифтихор бўлса ҳам, лекин менинг фуқаро сифатида асосий бурчим ҳозирги кунда мамлакатга ёрдам беришдир», — деган у.
Изоҳ (0)