BuzzFeed журналистлари энг йирик хайрия ташкилотларидан бирининг иши бўйича тергов ўтказди, дея хабар беради ForumDaily.
Нашр Непал, Камерун, Марказий Африка Республикаси ва Ҳиндистонда суриштирув ўтказиб, ташкилотнинг махфий ҳужжатларини олишга муваффақ бўлган.
Тергов маълумотларига кўра, WWF ушбу мамлакатларда махсус ҳарбий қисмларни молиялаштирган: уларга иш ҳақи тўланган, ўқитилган, улар учун пичоқлар, тунда кўриш учун кўзойнаклар ва рейдлар учун ускуналар сотиб олинган. Улар эса ўз ўрнида браконерликда гумон қилинган қишлоқ аҳолисини зўрланган, отган ва ўлдирган.
Тергов натижаларига кўра, фуқаролар урушининг кучайиши пайтида Африкада WWF ходимлари браконерликка қарши курашиш учун жалб қилинган ҳарбийлар учун озиқ-овқат ва ёқилғи сотиб олган.
Guardian нашрига кўра, WWF «информаторлар» тармоғини ташкил қилиб, молиялаштириш ва бошқариш бўйича «глобал жосус» сифатида ҳаракат қилган.
WWF Kingsley Napley юридик фирмасига айбловларни кўриб чиқишни топширган. Ташкилот вакилининг билдиришича, ташкилот миссиясининг асосида инсон ҳуқуқларини ҳурмат қилиши ва инсон ҳуқуқлари бўйича мутахассисларининг BuzzFeed тергови айбловларини мустақил равишда текширишини таъкидлаган.
Изоҳ (0)