2 март, шанба куни футбол бўйича Англия премьер лигасининг 29-тур баҳслари бошланди.
Турнинг дастлабки ўйини «Уэмбли» стадионида бўлиб ўтди. Унда Лондоннинг икки клуби «Тоттенҳэм» ҳамда «Арсенал» тўқнаш келди.
Беллашувнинг 16-дақиқасида «тўпчилар» ярим ҳимоячиси Аарон Рэмзи ҳисобни очган бўлса, 74-дақиқага келиб Ҳарри Кейн пенальтидан Бернд Лено қўриқлаётган дарвозани ишғол қилди ва ҳисобни тенглаштирди (1:1). Учрашувнинг 90-дақиқасида «шпорлар» дарвозаси томон 11 метрлик жарима зарбаси белгиланди. Ундан Пьер-Эмерик Обамеянг унумли фойдалана олмади. Ўйин сўнгида эса Лукас Торрейра қизил карточка олиб майдонни тарк этди.
Шу тариқа Лондон дербисида ғолиб номи аниқланмади ва томонлар 1 очкодан бўлишиб олди.
АПЛ
29-тур баҳслари
2 март, шанба
«Тоттенҳэм»—«Арсенал» 1:1
Голлар: 0:1 – 16 Рэмзи, 1:1 – 74, пенальти Кейн.«Тоттенҳэм»: Льорис, Триппиэр, Алдервейрелд, Санчес, Вертонген, Роуз, Ваняма (Ламела, 59), Сиссоко, Эриксен, Сон (Льоренте, 79), Кейн
«Арсенал»: Лено, Мустафи, Сократис, Косьелни, Монреаль, Жака, Гундузи (Торрейра, 46), Мхитарян, Рэмзи (Ўзил, 72), Ивоби, Ляказетт (Обамеянг, 56)
Огоҳлантиришлар: Мхитарян (58), Ламела (63), Роуз (69), Жака (74), Льоренте (84)
Четлатиш: Торрейра (90+5)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)