Бугун, 12 февраль куни Қозоғистон президенти Нурсултон Назарбоевнинг рафиқаси Сара Назарбоева 78 ёшни қарши олди, деб хабар берди «Tengrinews».
Сара Назарбоева 1992 йилнинг февралидан бошлаб «Бобек» («Кичкинтой») халқаро болалар хайрия фонди асосчиси ва президенти ҳисобланади.
Фонд шу кунга қадар кўплаб етимларга, ногиронлиги бўлган болаларга ёрдам бериб келмоқда.
У 1994 йилнинг ёзидан бошлаб «SOS-Қозоғистондаги болалар қишлоқлари» фондини ҳам бошқаради.
Сара Назарбоева 1999 йилдан «Демография» хайрия фондининг васийлик кенгашига раҳбарлик қилмоқда. У хайрия соҳасидаги фаолияти учун кўплаб халқаро ташкилотлар томонидан эътироф этилган ва мукофотланган. Жумладан, Сара Назарбоева Жаҳон соғлиқни сақлаш ташкилотининг халқаро мукофоти, Unity хақларо мукофоти ҳамда «Ўз-ўзини англаш фалсафасига қўшган буюк ҳиссаси учун» Чингиз Айтматов номидаги олтин медални қўлга киритган.
Изоҳ (0)