Филиппинда бир ойда 70 дан ортиқ киши қизамиқ эпидемиясидан вафот этди, уларнинг аксарияти болалар, деб хабар берди «Интерфакс».
Хабарда айтилишича, январь ойида мамлакатда 4302 та қизамиқ билан оғриш ҳолатлари қайд этилган. Мамлакат пойтахти ҳудудида, шунингдек, Висай оролларида мураккаб эпидемия ҳолати кузатилмоқда.
Эмлашга салбий муносабатда бўлиш касаллик тарқалишига сабаб бўлган деб ҳисоблашмоқда. Эмлашдан воз кечишга 2018 йил бошида Денге касаллиги ҳақидаги можаролар сабаб бўлган бўлиши мумкин. Ўша вақтда вакцина болаларда жиддий касаллик келтириб чиқаради деган фикрлар тарқалган. Бироқ бу хабар ўз исботини топмаган.
UNICEF маълумотларига кўра, Филиппинда 55 фоиз аҳоли эмланган бўлиб, бу ўтган йилги кўрсаткичларга нисбатан 15 фоизга кам. Қизамиқ тарқалмаслиги учун аҳолининг 95 фоизи эмланиши зарур.
Изоҳ (0)