Бразилияда дамба ўпирилиши оқибатида ҳалок бўлганлар сони 150 кишидан ошди

Бразилия жануби-шарқида дамба ўпирилиши оқибатида ҳалок бўлганлар сони 157 кишига етди. Бу ҳақда «Коммерсант» хабар берди.

134 нафар қурбоннинг шахси аниқланган. Яна 182 нафар киши бедарак йўқолган деб ҳисобланмоқда.

Эслатиб ўтамиз, металлургия саноати чиқиндиларидан иборат сувни ушлаб турган тўғон Брумадиню муниципалитетида 25 январь куни ёрилган. Яқин атрофда жойлашган уйлардаги аҳоли эвакуация қилинган, бир неча уйлар чиқинди сув оқими оқибатида вайрон бўлган.