Хабаровск тумани темир йўл суди Ўзбекистон фуқаросини Хабаровск темир йўл вокзали миналангани тўғрисида ёлғон хабар берганлиги туфайли айбдор деб топди ва 20 минг рубль жарима тўлашга ҳукм қилди, деб хабар берди Sputnik.
Суд томонидан аниқланишича, 2018 йилнинг 15 октябрь санасида айбланувчи Хабаровскдаги темир йўл вокзали биносида бўла туриб, тайёрланаётган портлаш ҳақида ёлғон хабар берган. Бу иш бўйича жиноий иш қўзғатилган.
«Хабаровск туман темир йўл суди томонидан Ўзбекистон республикаси фуқароси суд қилинди. У терроризм акти хусусида олдиндан била туриб ёлғон хабар қилганликда айбдор деб топилди», — дейилади хабарда.
Суд жараёни давомида судланувчи ўз айбига тўлиқ иқрор бўлган ва ўзининг «портлаш рўй бериши мумкин» деган хабаридан сўнг ҳуқуқ тартибот органлари ходимларининг вокзал биносини текшириш учун қилган барча ҳаражатларини кўнгилли равишда қоплаб берган.
Мана шуларни ҳисобга олган ҳолда суд айбланувчини 20 минг рубль миқдорида жаримага ҳукм қилган.
Изоҳ (0)