Braziliyada damba o‘pirilishi oqibatida halok bo‘lganlar soni 150 kishidan oshdi

Braziliya janubi-sharqida damba o‘pirilishi oqibatida halok bo‘lganlar soni 157 kishiga yetdi. Bu haqda “Kommersant” xabar berdi.

134 nafar qurbonning shaxsi aniqlangan. Yana 182 nafar kishi bedarak yo‘qolgan deb hisoblanmoqda.

Eslatib o‘tamiz, metallurgiya sanoati chiqindilaridan iborat suvni ushlab turgan to‘g‘on Brumadinyu munitsipalitetida 25-yanvar kuni yorilgan. Yaqin atrofda joylashgan uylardagi aholi evakuatsiya qilingan, bir necha uylar chiqindi suv oqimi oqibatida vayron bo‘lgan.