2 февраль, шанба куни футбол бўйича Испания Ла Лигасининг 22-тур баҳслари доирасида 4 та беллашув ўз ниҳоясига етди.
Эрнесто Вальверде бошқарувидаги Каталониянинг «Барселона» клуби «Камп Ноу» стадионида «Валенсия» билан баҳсга киришди.
Беллашувнинг 24-дақиқасида меҳмон жамоа ҳужумчиси Кевин Гамейро ҳисобни очган бўлса, 32- дақиқага келиб Даниэл Парехо пенальтидан Марк-Андре тер Штеген қўриқлаётган дарвозани аниқ нишонга олди ва ҳисобни 2:0 кўринишига келтирди. Орадан 7 дақиқа ўтиб ҳакам томонидан «Валенсия» дарвозасига ҳам 11 метрлик жарима зарбаси белгиланди. Каталонияликлар етакчиси Лео Месси бундан унумли фойдаланди ва ҳисобни қисқартирди (2:1).
2-бўлимнинг 64-дақиқасида эса Лионель Месси Артуро Видаль узатмасини голга айлантирди ва дублга эришди (2:2).
Шу тариқа Месси каталонияликларни мағлубиятдан қутқариб қолди ва жамоалар 1 очкодан бўлишиб олди.
Шу куни мусобақа жадвалида 4-ўринда бораётган «Севилья» клуби «Сельта» меҳмони бўлди.
Учрашувдаги ягона гол 73-дақиқада урилди. Унга мезбон жамоа ярим ҳимоячиси Окай Ёкуслу муаллифлик қилди (1:0).
Шу тариқа «Севилья» сафарда кичик ҳисобда мағлубиятга учради.
Ла Лига
22-тур баҳслари
2 февраль, шанба
«Леванте»—«Хетафе» 0:0
«Реал Сосьедад»—«Атлетик Бильбао» 2:1
Голлар: 1:0 — 16 Оярсабал, 2:0 — 45 Жозе, 2:1 — 82 Гарсия.«Барселона»—«Валенсия» 2:2
Голлар: 0:1 — 24 Гамейро, 0:2 — 32 Парехо (пенальти), 1:2 — 39 Месси (пенальти), 2:2 — 64 Месси.«Сельта»—«Севилья» 1:0
Гол: 1:0 — 73 Ёкуслу.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)