Бразилиялик футбол юлдузи Роберто Карлос Тошкентга келди, деб хабар беради ЎФА матбуот хизмати.
Карлос учган самолёт соат 09:30 да Ислом Каримов номидаги Тошкент халқаро аэропортига қўнди.
У бугун соат 12:00 да ёш футболчилар учун ЎФА майдонида мастер-класс ўтиб беради. Кейин шу ернинг ўзида фахрий футболчилар иштирокида ўртоқлик ўйинида қатнашади. Мазкур учрашув 10 дақиқадан 2 та бўлимдан иборат бўлади. Роберто Карлос ҳар иккала жамоа таркибида битта бўлимдан майдонда тўп суради.
Соат 15:00 да Роберто Карлос А.П.Хлебушкина номидаги Меҳрибонлик уйига ташриф буюриб, у ердаги тарбияланувчилар билан учрашади. Соат 16:00 да эса Миллий олимпия қўмитасида Роберто Карлос билан матбуот анжумани ташкил этилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)