Лос-Анжелесда «Оскар» мукофоти номзодлари эълон қилинади

7 январдан 14 январгача фильмларни «Оскар» мукофоти номзодлигига овоз бериш бўлиб ўтди. Бу ҳақда «Эхо Москви» хабар берди.

Америка кино академиясининг саккиз мингдан ортиқ аъзолари турли тоифадаги асосий давогарларни томоша қилиб, уларни танлаб олди. Анъанага кўра, ҳар бир гильдия энг яхши бешталикни танлаб олади. Ҳужжатли ва қисқа метражли фильмлар, шунингдек, «хорижий тилдаги фильм» ва «тўлиқ метражли мультфильм» билан боғлиқ номинациялар бўйича барча гильдиялар вакилларидан иборат махсус қўмита овоз беради. «Энг яхши фильм» учун эса академиянинг барча аъзолари овоз беради.

24 категория бўйича номзодлар расмий рўйхати мукофот расмий сайтида онлайн тарзда эълон қилинади. «Оскар» тақдимоти маросими 24-фервал куни Лос-Анжелесдаги «Долби» театрида бўлиб ўтади.