Тошкентнинг янги логотипи яратилди

Интернетда Артемий Лебедевнинг студияси томонидан яратилган Тошкентнинг янги логотипи суратлари пайдо бўлди. Бу ҳақда «Sputnik» хабар берди.

Илк кадрлар «Ша все будет» («Ҳозир ҳаммаси бўлади») телеграм-каналига жойланган.

«Мана Лебедевнинг Тошкент логотипи ғояси қисман пайдо бўлди. Ғоя тушунарли. Менинг бу борадаги фикрим ўзгармади. Ушбу студиянинг ишини ҳурмат қилган ҳолда айтаман, бу суст», — деб ёзади блогер ўзининг каналида.

Фойдаланувчиларнинг фикри иккига бўлинган. Кимдир логотипни ажойиб ва замонавий деса, яна кимдир у Тошкент руҳиятини акс эттирмаяпти, деган фикрда.

Эслатиб ўтамиз, декабрь ойида пойтахтнинг сайёҳлик бренди шакллантирилиши доирасида пойтахт ҳокимияти томонидан шаҳарнинг логотипи тақдим этилганди.