Давлат хизматларини кўрсатиш тизимини яратиш ва фаолият юритиш, аҳоли билан ишлашни йўлга қўйиш, шунингдек, мазкур соҳада инновацион ёндашувлар билан алмашиш мақсадида Ўзбекистонга Озарбайжон Республикаси делегацияси ташриф буюргани ҳақида хабар берилган эди.
Давлат хизматлари агентлиги ахборот хизматининг хабар беришича, Делегация аъзолари давлат хизматлари агентлигининг ишлаш тамойиллари билан танишиш мақсадида делегатлар унинг Самарқанд шаҳри бўлимига ташриф буюрди.
Самарқанд вилояти Халқ қабулхонаси мудири Шуҳрат Узоқов бу ерда фуқаролар учун яратилган қулай шарт-шароитлар ҳақида сўзлаб берди.
Шунингдек, унинг таъкидлашича, ушбу муассасаларга амалдаги қонун ҳужжатларини биладиган, фуқаролар билан ишлаш учун етарли тажрибага эга мутахассислар жалб қилинган. Фуқароларга қулай шароит яратиш мақсадида, бугунги кунда мамлакат бўйлаб барпо этилаётган замонавий Давлат хизматлари марказлари билан бир бинода Халқ қабулхоналари ҳам жойлашади.
Ташриф доирасида озарбайжонлик меҳмонлар Темурийлар пойтахти ёдгорликлари — Шоҳи Зинда мажмуаси, Гўри Амир мақбараси, Registon майдони ва бошқаларни зиёрат қилди.
Изоҳ (0)