Қорбобо кийимидаги ҳарбий оркестр жамоаси ўз концерт дастурларини 3 январга қадар тақдим этади (фото+видео)

Мудофаа вазирлиги Марказий ҳарбий оркестри Янги йил байрами муносабати билан Тошкент шаҳрида жойлашган Янги йил байрамининг бош арчасида ўз концерт дастурларини 3 январга қадар тақдим этади. Бу ҳақда вазирлик матбуот хизмати «Дарё»га маълум қилди.

Бу йилги байрам тантаналари аввалгилардан тубдан фарқ қилмоқда. Мудофаа вазирлиги тасарруфидаги ҳарбий оркестрларнинг чиқишлари эса барчага кўтаринки кайфият улашмоқда.

https://www.instagram.com/p/BsDbxylnUVD/

Хусусан, куни кеча ҳарбий санъаткорлар соат 15:00 да Тошкент метрополитенининг «Дўстлик» бекатидан бошлаб, ўзларининг куй-қўшиқлари билан шаҳар аҳолиси ва меҳмонларига аъло кайфият улашди.

Шундан сўнг шаҳар бўйлаб, сюрпризлар «Ойбек» метросидан «Пахтакор»гача, Халқлар дўстлиги саройидан Мингўриккача давом этди. Мазкур ижодий саёҳат аҳоли учун қулай пайтда уюштирилгани айни муддао бўлмоқда.

Таъкидлаш керакки, бадиий дастур давомида куй-қўшиқларни моҳирлик билан ижроэтган санъаткорларнинг қорбобо кийимидаги чиқишлари давраларга ўзгача файз киритяпти.