Mudofaa vazirligi Markaziy harbiy orkestri Yangi yil bayrami munosabati bilan Toshkent shahrida joylashgan Yangi yil bayramining bosh archasida o‘z konsert dasturlarini 3-yanvarga qadar taqdim etadi. Bu haqda vazirlik matbuot xizmati “Daryo”ga ma’lum qildi.
Bu yilgi bayram tantanalari avvalgilardan tubdan farq qilmoqda. Mudofaa vazirligi tasarrufidagi harbiy orkestrlarning chiqishlari esa barchaga ko‘tarinki kayfiyat ulashmoqda.
https://www.instagram.com/p/BsDbxylnUVD/
Xususan, kuni kecha harbiy san’atkorlar soat 15:00 da Toshkent metropolitenining “Do‘stlik” bekatidan boshlab, o‘zlarining kuy-qo‘shiqlari bilan shahar aholisi va mehmonlariga a’lo kayfiyat ulashdi.
Shundan so‘ng shahar bo‘ylab, syurprizlar “Oybek” metrosidan “Paxtakor”gacha, Xalqlar do‘stligi saroyidan Mingo‘rikkacha davom etdi. Mazkur ijodiy sayohat aholi uchun qulay paytda uyushtirilgani ayni muddao bo‘lmoqda.
Ta’kidlash kerakki, badiiy dastur davomida kuy-qo‘shiqlarni mohirlik bilan ijroetgan san’atkorlarning qorbobo kiyimidagi chiqishlari davralarga o‘zgacha fayz kirityapti.
Izoh (0)