21 декабрь, жума (шанбага ўтар кечаси) куни футбол бўйича Германия Бундеслигасида 17-тур марказий ўйин билан бошланди.
Унда мусобақа жадвалида 1 ҳамда 2-ўринларни банд қилиб турган жамоалар — «Боруссия Д» ва «Боруссия М» ўзаро кураш олиб борди. Ўйинда «Боруссия Дортмунд» кичик ҳисобда (2:1) ғалаба қозонди.
Учрашувнинг 42-дақиқасида Жейдон Санчо ҳисобни очган бўлса, 1-бўлимга қўшиб берилган дақиқада «Боруссия М» аъзоси Кристофер Крамер рақиб дарвозасини ишғол этди (1:1). 2-бўлимнинг 54-дақиқасида Марко Ройс ҳисобни 2:1 кўринишига олиб келди. Мазкур натижага ўйин сўнгига қадар ўзгармай қолди.
22 декабрь, шанба куни тур доирасида бир қатор ўйинлар бўлиб ўтади. Жумладан, «Байер Леверкузен» жамоаси ўз майдонида «Ҳерта»ни қабул қилади. Ўйин 19:30 да бошланади.
«Бавария» эса мазкур турда Франкфуртга сафар қилади. Мюнхен клуби «Айнтрахт» билан кураш олиб боради. Беллашув 22:30 да бошланади.
Бундеслига
17-тур баҳслари
22 декабрь, шанба
«Боруссия Д»—«Боруссия М» 2:1
Голлар: 1:0—42 Санчо, 1:1—45+1 Крамер, 2:1—54 Ройс.«Байер Леверкузен»—«Ҳерта» 19:30
«Лейпциг»—«Вердер» 19:30
«Штутгарт»—«Шальке-04» 19:30
«Ҳанновер 96»—«Фортуна Д» 19:30
«Ньюрнберг»—«Фрайбург» 19:30
«Айнтрахт Ф»—«Бавария » 22:30
23 декабрь, якшанба«Аугсбург»—«Вольфсбург» 19:30
«Ҳоффенҳайм»—«Майнц» 22:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)