Дания терма жамоаси собиқ ярим ҳимоячиси Стиг Тефтинг инглиз журналистларига ўзининг ҳаётида рўй берган мудҳиш воқеаларни сўзлаб берди.
Тефтинг 13 ёшида ота-онасидан айрилиб қолади (отаси хотинини ўлдиради ва ўз жонига қасд қилади), айни кучга тўлган даврида эндигина дунё юзини кўрган ўғлини йўқотади, бундан ташқари қамоқ жазосига ҳукм қилинади.
Тефтинг ота-онасининг жонсиз ҳолда ётган ҳолатини шундай тасвирлайди. Ўғлининг велосипедда берган тормоз овозидан сўнг, ошхона деразасидан отаси ёки онаси ҳам қарамайди. У бундан қаттиқ шубҳалана бошлайди.
Тефтинг уй ичига кираркан, унга Лейди лақабли ити ташланади. «Нимадир содир бўлгандек эди», — хотирлайди Стиг. Бир неча дақиқадан сўнг, у уйга кираверишда 41 ёшли отасининг қонга беланиб ётган танасини кўради. Унинг ёнида эса отаси овга ўзи билан олиб кетадиган қуроли ҳам ётарди. Ошхона эшиги ёнгинасида Стигнинг онаси — 34 ёшли Кристен жонсиз ҳолатда ётарди.
«Мен ҳеч нарсага тушунмадим. Бу ҳақиқатмиди ёки ёлғон… Худди ёмон туш кўраётгандек эдим. 13 ёшда ҳам ота, ҳам онадан айрилиш мен учун жуда оғир эди. Аммо мен шу кунгача бўлган хотиралар билан яшашни ўргандим. Ўша пайтда қўлимдан ҳеч нарса келмасди. Ушбу воқеа содир бўлишининг олдини олиш учун менинг олдимда иккита йўл бор эди — уйда бўлиб, мудҳиш воқеанинг олдини олишим мумкин эди ёки менинг ҳам тирик қолишим гумон остида эди», — дея ўтмишини ёдга олади Тефтинг.Футбол бўйича 2002 йилги Жаҳон чемпионатида Тефтинг ва Дания терма жамоаси мусобақанинг 1/8 финалида ўз юришини тўхтатади. Терма жамоа аъзолари учун ташкиллаштирилган оқшомда Стиг ресторан бошқарувчисининг бошига уради. 2002 йилнинг октябрь ойида суд жараёни бўлиб ўтади, натижада Стигга 4 ойлик қамоқ жазоси тайинланади. У 2003 йилнинг апрелидан июлига қадар вақтини қамоқда ўтказади.
«Жаҳон чемпионатидаги иштирокимизни Копенгагенда нишонладик. Ҳамма сармаст эди. Ресторан бошқарувчиси менга тикилиб қолди. Унинг ёнига бордим ва: «Нимадир бўлдими?» деб сўрадим. Ўша вақтда у менинг бошимга уради деб ўйладим ва бу ишни биринчи бўлиб ўзим қилдим. Қўриқчи юргуриб келди ва мени кўчага улоқтирди. Шундай қилиб қамоқхона пайдо бўлдим.«Лекин қамоқхонада ўтирганим боламни йўқотганимнинг олдида ҳеч гап эмас. Ўғлимнинг тирик қолиши учун яна 10 йил ўтиришга рози бўлардим»,—дейди Стиг.Биласизми, у ерда мен қандай иш билан машғул бўлдим? Майса ўрдим. Ажойиб машғулот. Ёмғирли кунларда ишламасдим, шунинг учун велосипедда сайр қилардим ёки югуришга чиқардим. Ҳар куни кечки пайт футбол ўйнардим — бу худди машғулотлар лагерига ўхшарди», — эслайди Тефтинг.
2003 йилнинг баҳорида Стиг тўртинчи ўғли Жон туғилиши билан менингит касаллигига чалинганини аёлидан эшитади. Орадан уч ҳафта ўтгандан сўнг чақалоқ оламдан ўтади.
«Буни эшитиб тамом бўлдим. Бу ҳаётимдаги энг даҳшатли кун эди. Ҳаммамиз мотам тутардик. Лекин мен ушбу воқеада ҳеч нарса қилолмадим. Танамда Жоннинг сурати туширилган татуировка бор. Нима қилмай, барибир уни қайтара олмайман. Ҳаётда ўзгартиришга қодир бўлган нарсаларга таъсир ўтказишинг керак. Ўзгартириш мумкин бўлмаган нарсаларни бошдан кечириш инсондан жуда кўп қувват талаб қилади», — дея сўзларини якунлайди Стиг Тефтинг.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)