Тожикистоннинг Истаравшан шаҳрида бир йигит 17 ёшли синглисини унинг бир эркак билан учрашиб юрганлиги ҳақидаги миш-мишлар туфайли ўлдириб, бошини танасидан жудо қилди. Бу ҳақда Asia-Plus хабар бермоқда.
Қизнинг жасади қишлоқлардан бирининг ташқарисидан оқиб ўтувчи эски каналдан ўтган ҳафта топилган. Милиция жасаднинг шахсини аниқлагач, унинг 23 ёшли акасини қўлга олди.
Тожикистон ИИВ хабарида айтилишича, унга синглисининг бегона эркаклар билан алоқалари ҳақида миш-мишлар етиб келгач, уни ўлдирган.
Гумонланувчи 28 ноябрь куни кечқурун синглисини дастлаб бўғиб ўлдиргани, сўнг бошини кесиб ташлагани айтилмоқда. Унга нисбатан жиноят иши қўзғатилди.
Изоҳ (0)