Ҳиндистонда қоплон кичкина болани ўрмонга олиб кетди ва бошини узиб олди. Бу ҳақда Daily Mail хабар берди.
Воқеа мамлакат шимолида Жамму ва Кашмир штатларида рўй берди. Ҳайвон уйлардан бирининг ошхонасига кириб уч ёшар Васим Акрамни олиб кетди. Воқеа онанинг кўз ўнгида содир бўлишига қарамай, аёл ҳеч нарса қила олмади. Боланинг бошсиз танаси бироз вақт ўтгач ўрмондан топилди.
Маҳаллий аҳоли бу йиртқичнинг биринчи қурбони эмаслигини айтмоқда, сўнгги икки ойда қоплон ушбу ҳудудда яна икки кишини ўлдирган.
Қурбонлардан бири саккиз ёшли бола бўлган. Одамхўр ҳайвонни ушлаш ва ўлдириш учун бутун бошли отряд сафарбар қилинган.
Расмий маълумотларга кўра, Ҳиндистонда 12 мингдан 14 минггача қоплон яшайди. 2017 йилда 431 та йиртқич браконерлар томонидан ўлдирилган.
Йиртқичларнинг қурбонлари тўғрисида расмий маълумотлар йўқ
Изоҳ (0)