«Интер» спорт директори Пиеро Аузилио жамоанинг аргентиналик ҳужумчиси Мауро Икарди ҳақида фикр билдирди, дея хабар беради Goal.
«Икардидан кўнглимиз тўқ. Ҳар доим жавобгарликни ўз зиммасига олади ва ҳеч нарсадан қўрқмайди. Мен ҳар доим имкони борича тўғрисўз бўлиб, ҳаммасини маълум қилиб келдим. Маурога икки ой олдин шартномани узайтириш бўйича таклиф билан чиққан эдик, аммо у таклифни ҳали қабул қилмади. Лекин бу билан олдинга силжимаймиз дегани эмас. Музокараларни ва ҳамкорликни давом эттиришни истаймиз. Икардини «Ювентус»га сотиш ҳақидаги гаплар-сўзларга келсак, мен бунга изоҳ беришни хоҳламайман, аксинча, фақатгина куламан. Янги йил арафасида ёмон сўзларни айтишни истамайман. Хурсандчилик билан Икардини ҳеч қачон «Ювентус»га ўтмайди, деб айта оламан, — дейди Аузилио.
Икарди жорий мавсум Италия чемпионатининг 13 та учрашувида 9 та гол урди ва 2 та голли узатма берди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)