«Реал Мадрид» собиқ бош мураббийи Зинедин Зидан яқин келажакда «Манчестер Юнайтед»ни бошқариш ниятида эмас, дея хабар беради «Sports.es»
Манбага кўра, франциялик мутахассис «Юнайтед» сафига мавсум ярмидан ўтишни истамаган. Зидан мураббийлик фаолиятини давом эттиришга шошилмаяпти. Бирор бир клубдан қизиқарли таклиф чиқса, албатта, қабул қилишини айтган.
Зидан қўл остида «Реал» 3 марта Чемпионлар Лигаси, 2 бор УЕФА Суперкубоги, 2 марта клублар ўртасидаги Жаҳон Чемпионати, 1 марта Испания чемпионати ва 1 бор Испания Суперкубогида ғолиб чиқди. У 2017/18 йилги мавсумдан сўнг истеъфога чиқди.
Эслатиб ўтамиз, 18 декабрь куни «Қизил иблислар» раҳбарияти Жозе Моуриньони қониқарсиз натижалар сабаб истеъфога чиқарди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)