Ўзбекистон Муборак газни қайта ишлаш заводи (ГҚИЗ)даги пропанбутанли қоришма олиш учун қўлланиладиган амалдаги ускуналарни модернизация қилишнинг техник-иқтисодий асосларини тасдиқлади. Бу ҳақда «Подробно» хабар берди.
Лойиҳанинг умумий қиймати 15 миллион АҚШ доллардан ортиқ бўлиб, ушбу маблағлар «Ўзбекнефтгаз» томонидан йўналтирилади. Объектларни ишга тушириш 2019 йилнинг сентябрь ойига мўлжалланган.
Бугунги кунга қадар Муборак ГҚИЗ ускуна ва бутловчи маҳсулотларни етказиб беришга ишлаб чиқарувчилар билан 10 миллион АҚШ долларга шартнома тузди.
Лойиҳани амалга оширилиши натижасида ишлаб чиқарилган маҳсулотларнинг йиллик ҳажми 281,5 минг тонна сиқилган газга етади, ўсиш 23,2 минг тоннани ташкил қилади, 90,7 минг тонна газ конденсати, 7,5 минг тоннага ўсади.Лойиҳа натижасида ҳар йили 31,7 минг тонна маҳсулот экспорт қилиш кўзда тутилган.
Эслатиб ўтамиз, Муборак ГҚИЗ 1971 йилда фаолият бошлаган. Айни дамда заводда йилига 260 минг тонна сиқилган газ ишлаб чиқариш қувватига эга уч йўналиш мавжуд.
Изоҳ (0)