Давлат хизматлари агентлиги юридик шахс ёки якка тартибдаги тадбиркорлар тўғрисидаги маълумотларни текшириш бўйича онлайн платформани ишга туширди. Бу ҳақда агентлик Telegram-каналида маълум қилди.
Тизим юридик шахслар рўйхатдан ўтган сана, бошқарувчи, муассислар ва уларнинг устав жамғармасидаги улушига тегишли мавжуд маълумотларгача автомат тарзда тақдим этади.
Юридик шахс ёки якка тартибдаги тадбиркорлар тўғрисидаги иккита портал орқали онлайн маълумот олиш мумкин: fo.birdarcha.uz, my.gov.uz. Бунинг учун тегишли тадбиркорлик субъектининг СТИР-рақамини киритиш талаб этилади.
Ушбу хизматнинг асосий вазифаларидан бири — фуқароларга ҳамкорлик алоқаларини йўлга қўйишда фирибгарликларга дуч келмасликда ёрдамлашишдан иборат. Платформа Британиянинг Companies house UК тизимига ўхшаш, аммо маҳаллий шароитларга мослаштирилган.
Изоҳ (0)