Сирдарё вилояти давлат солиқ бошқармаси Гулистон ҳамда Мирзаобод туманларида аҳолининг ижтимоий ҳимояси, ободонлаштириш ва бунёдкорлик йўлида қатор ишлар амалга оширди. Бу ҳақда давлат солиқ бошқармаси «Дарё»га маълум қилган.
Мирзаобод туманидаги «Ҳақиқат» маҳалла фуқаролар йиғинидаги 9-сонли болалар боғчасига 4 миллиадр сўмдан ортиқ маблағ ажратилиб, қурилиш-монтаж ишлари якунига етказилмоқда. Ҳудуддан ўтувчи халқаро ва маҳаллий ички йўлларга боғланган «Тинчлик», «Тараққиёт», «Наврўз» маҳаллалари ҳамда улардаги «Ёшлар», «Пиллакор», «Баҳор» кўча йўллари умумий узунлиги 3,5 километрдан ортиғи таъмирланиб текисланди.
Шунингдек, «Янги авлод» кўчасида сув иншооти қайта таъмирланиб, фойдаланишга топширилди. «Деҳқонобод», «Ибрат» маҳаллаларида яшовчи кам таъминланган фуқароларнинг ҳолидан хабар олиниб, уларга куз-қиш мавсуми учун озиқ-овқат маҳсулотлари улашилди.
Изоҳ (0)